1969: WOODSTOCK

Pensaba dedicar esta entrada á un dos meus ídolos de xuventude, a malograda Janis Joplin. Conservo un LP dela comprado a finales de 1969: I Got Dem Ol'KOZMIC BLUES Again Mama! A canción que lle daba o título era a segunda da cara B. Pero ó remexer nos discos encontrei un single de Jefferson Airplane, o grupo de rock psicodélico dos 60 e pensei que tamén valía a pena. Ó lado del tiña un de CCR e entón acordeime do festival de Woodstock, aquel dos "3 days of peace and music", como rezaba nos carteis anunciadores.

Así que hoxe toca unha pequena homenaxe o festival máis importante da historia do rock, que, curiosamente, non se celebrou en Woodstock (Ulster County, USA), lugar no que estaba programado, senón nunha granxa de Bethel, cerca de New York, os días 15, 16 e 17 de agosto de 1969.
O motivo do cambio de lugar foi a forte oposición á súa celebración, que casi logrou que non se chegara a celebrar o evento. Pero Sam Yasgur logrou convencer ó seu pai, Max Yasgur (que ademais cobrou un bo pico...), para que se celebrase nos terreos da familia, en Sullivan County.

A asistencia superou tódalas previsións: déronse cita arredor de 400.000 persoas, cando os cálculos iniciais eran de unhas 60.000 que eran as etradas que os organizadores lograran vender por correo con anterioridade, mediante un sistema ideado para a ocasión. Calculaban que podían vender unhas poucas máis nos postos colocados a tal efecto, pero a riada de xente desbordou os cálculos máis optimistas, e meso dise que non puideron chegar ó lugar outras 250.000 máis, por diversos problemas de tráfico, etc.
Woodstock convertiuse nun símbolo da rebeldía dunha xeneración, farta de guerras, contra o sistema. Predicando a paz e o amor libre, con aquelas furgonetas WW pintadas de flores, con grandes melenas e cheos de amuletos, estes rapaces espallaron polo mundo un xeito de pensar diferente, un cambio de rumbo na civilización: era o movemento hippie, que aquí en España collionos un pouco a contra pé...Eran malos tempos para a lírica, ainda que xa se albiscaba o final do túnel aló adiante.
A nómina de participantes é, como podedes imaxinar, moi grande. Citarei aqueles dos que teño algún disco na miña colección: Joan Baez, Joe Cocker , Creedence Clearwater Revival, Grateful Dead, Jimi Hendrix, Janis Joplin, Jefferson Airplane, Melanie, Carlos Santana, Neil Young, The Who ...E outros que non poideron chegar, como por exemplo Iron Butterfly, do que xa falamos aquí.

Para non "enrollarme" máis e pasar a escoitar e ver música, recoméndovos a lectura deste especial de El Cuervo, que resume penso que bastante acertadamente todo o que representou o festival. Interesante tamén, e en galego, esta páxina da wikipedia.

Para esta ocasión pareciame moi interesante a utilización de vídeos orixinais. Así que buceei en YouTube e seleccionei eses que vos presento, para rememorar un pouco o "ambientillo" daqueles días...Posiblemente encontre máis nos próximos días.
Aparte, irei poñendo no reproductor temas interpretados no festival polos diferentes grupos.
Espero que disfrutedes tanto con eles coma eu disfrutei recordando vellos tempos...

WOODSTOCK,3 days of peace and music

JOE COCKER, interpretando With A Little Help From My Friends (The Beatles)

JANIS JOPLIN: Try (Just a Little Bit Harder)

CARLOS SANTANA, Soul Sacrifice

JEFFERSON AIRPLANE: Somebody to Love

JOAN BAEZ: We Shall Overcome