1967: APHRODITE'S CHILD...e derivados

Con toda certeza oiriades falar de Demis Roussos e de Vangelis. Pero ¿cantos de vos oístes falar de Aphrodite's Child?
Así se chamaba este trío grego do que formaban parte Demis Roussos (cantante e guitarrista), Vangelis Papathanassiou (teclista e compositor) e Lucas Sideras (batería). Interpretaba unha especie de pop-rock progresivo e psicodélico e tivo un notable éxito a finais dos 60.
Formado en 1967, nun principio tamén pertenecía o gurpo o guitarrista Anargyros Koulouris; circunstancia esta da que me acabo de enterar agora mesmo, preparando esta entrada para o blog. Resulta que o seu primeiro disco ían gravalo en París; pero Kouloris estaba facendo a mili e non poido salir de Grecia... Eu sempre pensara que se incorporou ó final, pero como se ve xa fora un dos fundadores do grupo. Así pois, o trío gravou o seu primeiro single que resultou un éxito total en toda Europa: Rain and tears chegou a número un en moitas listas.

powered by ODEO
¿A qué composición clásica vos recorda? Efectivamente, efectivamente, esa misma tomaron como referencia para a grabación do tema: o Canon de J. Pachelbel. Compara e verás.

powered by ODEO
A vida artística do grupo non foi moi larga; eu coñezo somentes tres LP's: End of the world (1968), It's five o'clock (1969) e 666 (1972). Este último LP ten a súa historia. Aparte de contar xa coa colaboración do guitarrista Koulouris é un traballo de rock progresivo baseado no Apocalipsis de San Juan. Ademáis, houbo unha circunstancia engadida: o tema Infinity, que ven sendo un orgasmo (de máis de 5 minutos) simulado pola actriz Irene Papas, foi censurado...Este feito veulle de perlas ó grupo. A min, a verdade sea dita, non é que me guste aló moito, pero ainda que so sexa como curiosidade e por joder ós censores velaí tendes:

powered by ODEO
O grupo rómpese non sei exactamente cando, supoño que a finales de 1972, e dous dos seus compoñentes iniciaron carreira en solitario. ¡E que carreira!
Vangelis converteuse nun compositor de gran éxito en todo o mundo, con un estilo de música moi característico que moitos califican como New Age, ainda que a min paréceme un pouco simplificadora esta visión da súa obra. Entre outras couas, Vangelis compuxo as bandas sonora de Chariots of Fire (que merecería o Oscar no ano 1981), Blade Runner (1982) e 1492:La conquista del paraíso (1992). Teño unha morea de música deste compositor.
Pola súa banda Demis Roussos tamén tivo moito éxito en solitario; ainda que eu apenas teño nada deste home de voz tan peculiar...¡e que tanto engordou! Aínda que ultimamente penso que se puxo a réxime e adeljazou unha barbaridade. Teño que prejuntarlle a receta...
En fin, que nos reproductores vai unha mostra da música do grupo, e de paso, polo mesmo precio, de Vangelis e Demis Roussos en solitario. E tamén uns vídeos de propina.
APHRODITE'S CHILD: I want to live

CHARIOTS OF FIRE - VANGELIS

1492: LA CONQUISTA DEL PARAÍSO - VANGELIS